Azərbaycan, Bakı, 18 sentyabr /Trend, müxbir İ.İzzət/
Bakıda iki minik avtomobili toqquşub. Vurulan avtomobil son anda aşmaqdan qurtulub.
Trend xəbər verir ki, paytaxtda günorta saatlarında prospektlərin birində hərəkətdə olarkən "VAZ-2107" markalı avtomobil sürət həddini gözləməyərək qaydanı pozan digər minik avtomobili tərəfindən arxadan vurulub. Zərbənin təsirindən az qala aşmaqda olan "VAZ-2107" 180 dərəcə dönərək getdiyi yola əks istiqamətdə dayanıb.
Hadisə zamanı hər iki avtomobilə ciddi ziyan dəyib.
Trend həmin qəzanın video görüntüsünü təqdim edir.
Video Player