Azərbaycan, Bakı, 29 sentyabr /Trend/
İraqda baş vermiş iki partlayış nəticəsində ən azı 6 nəfər ölüb. Bu barədə Trend RBK-ya istinadən məlumat yayıb.
Partlayışlardan biri Bağdaddan 50 kilometr aralıda Tamii şəhərində baş verib. Partlayıcı qurğular hökumət nümayəndələrinin və polislərin yaşadığı evlərin yaxınlığında quraşdırılıb. Partlayış nəticəsində 4 nəfər ölüb, 14 insan yaralanıb.
İkinci terror aktı isə Bağdadın cənub-şərqində bazarda baş verib. Burada isə 2 nəfər ölüb, 15 insan yaralanıb.