Azərbaycan, Bakı, 25 yanvar /Trend, müxbir İ.İzzət/
Qaradağ rayonunda binalardan elektrik qoruyucularını oğurlayan şəxslər tutulub.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, yanvarın 5-dən 24-dək olan müddətdə Lökbatan qəsəbəsi B.Niftəliyev küçəsi, 13,14,15 və 27 nömrəli binalardan Bakı Elektrik Şəbəkəsinə məxsus 62 ədəd qoruyucu oğurlanıb.
Qaradağ Rayon Polis İdarəsinin 10-cu polis bölməsi əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Ağstafa rayon sakini Məhəmməd Pirquliyev və Gəncə şəhər sakini Simran Həsənov tutulublar.
Faktla əlaqədar cinayət işi açılıb, istintaq gedir.