Azərbaycan, Bakı, 7 fevral /Trend, müxbir E.Mehdiyev/
Lənkıranda istirahət mərkəzində əxlaqsızlıq yuvası aşkar edilib.
Trend Daxili İşlər Nazirliyinin rəsmi saytına istinadən xəbər verir ki, Lənkəran ŞRPŞ əməkdaşlarının keçirdikləri əməliyyat tədbirləri nəticəsində Bürcəli kənd sakinləri Əkrəm Həbibovun və Kamil Hüseynovun gəlir əldə etmək məqsədi ilə işlədikləri Hirkan kəndinin ərazisində yerləşən istirahət mərkəzində əxlaqsızlıq yuvası təşkil etmələri müəyyən edilib.
İnsan Alverinə Qarşı Mübarizə İdarəsi əməkdaşlarının keçirdikləri digər əməliyyat tədbirləri nəticəsində, həmçinin Bakı şəhər sakini Fəridə Abbasovanın gəlir əldə etmək məqsədi ilə qadınları fahişəliyə cəlb etməsi müəyyən edilib.