Azərbaycan, Bakı, 1 aprel /Trend, müxbir İ.İzzət/
"Azpetrol LTD" MMC-yə məxsus yanacaqdoldurma məntəqəsində zor tətbiq etməklə cinayət törədən şəxs saxlanılıb.
Daxili İşlər Nazirliyindən Trend-ə bildiriblər ki, martın 30-da Qazax şəhərinin ərazisində yerləşən "Azpetrol LTD" MMC-yə məxsus yanacaqdoldurma məntəqəsinə "Volkswagen" markalı avtomobildə gəlmiş naməlum şəxs orada işləyən Həsən Nəbiyevə zor tətbiq edərək 280 manat pulunu alıb.
Qazax RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətmiş qeyd edilən avtomobilin sürücüsü, Quba rayon sakini Mürvət Ağaməmmədov tutulub.