Azərbaycan, Bakı, 13 iyun /Trend, müxbir İ.İzzət/
Abşeron rayonu ərazisində baş verən yol-nəqliyyat hadisəsi ölümlə nəticələnib.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, iyunun 12-də saat 20 radələrində Abşeron rayonu Qobu qəsəbəsinin ərazisində qəsəbə sakini Yaşar Əlicanovun idarə etdiyi "Nissan" və Şirvan şəhər sakini Samir Həsənovun idarə etdiyi "Hovo" markalı avtomobillər toqquşub.
Y.Əlicanov və sərnişinləri, həmyerliləri Ağamirzə Əlicanov və Məmmədbağır Bağırzadə xəstəxanaya yerləşdirilib, M.Bağırzadə orada ölüb.
Faktla bağlı Abşeron Rayon Polis Şöbəsi tərəfindən araşdırma aparılır.