Azərbaycan, Bakı, 15 iyul /Trend, müxbir İlkin İzzət/
Bakıda soyğunçuluq etmiş keçmiş məhkum tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, iyulun 12-də naməlum şəxs X.Məmmədov küçəsində Əhməd Əhmədovun əlindən içində 5485 manat olan sellofan torbanı alıb qaçıb.
Xətai Rayon Polis İdarəsi 36-cı Polis Bölməsi əməkdaşlarının keçirdikləri əməliyyat tədbirləri nəticəsində, soyğunçuluqda şübhəli bilinən Ağdaş rayon sakini əvvəllər məhkum olunmuş, 1983-cü il təvəllüdlü Samir Xudaverdiyev tutulub.