Azərbaycan, Bakı, 28 iyul /Trend, müxbir İlkin İzzət/
Bakıda dələduzluğa görə axtarışda olan şəxslər tutulub.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, Bakıda polis əməkdaşlarının keçirdikləri əməliyyat nəticəsində Cinayət Məcəlləsinin 178-ci (dələduzluq) maddəsi ilə axtarışda olan 3 nəfər tutulub.
Belə ki, Nəsimi Rayon Polis İdarəsi (RPİ) Cinayət-Axtarış Şöbəsi əməkdaşlarının keçirdikləri əməliyyat tədbirləri nəticəsində axtarışda olan 1978-ci il təvəllüdlü Seyhun Əhmədov, Nizami RPİ 23-cü PB əməkdaşlarının keçirdikləri əməliyyat tədbirləri nəticəsində 1969-cu il təvəllüdlü Rizvan Kərimli və Sabunçu RPİ 12-ci PB əməkdaşlarının keçirdikləri əməliyyat-axtarış tədbirləri nəticəsində 1973-cü il təvəllüdlü Ziyad Babayev tutulublar.