Azərbaycan, Bakı, 29 oktyabr /Trend/
Bakıda ötən həftə mənzildən külli miqdarda edilən oğurluq hadisəsinin üstü açılıb.
Bakı şəhər Baş Polis İdarəsindən Trend-ə bildiriblər ki, oktyabrın 18-ə keçən gecə Hövsan qəsəbəsi E.Qasımov küçəsində Emil Vəliyevin mənzilindən 18500 manat və qızıl-zinət əşyaları oğurlanıb.
Suraxanı RPİ 30-cu PB əməkdaşlarının keçirdikləri əməliyyat tədbirləri nəticəsində, oğurluqda şübhəli bilinən Hövsan qəsəbə sakini, 1988-ci il təvəllüdlü Zaur Cəfərov tutulub.