Azərbaycan, Bakı, 17 noyabr /Trend, müxbir İlkin İzzət/
Azərbaycanın cənub bölgəsində həyata keçirilən əməliyyat nəticəsində külli miqdarda narkotik vasitə götürülüb.
Daxili İşlər Nazirliyindən Trend-ə bildiriblər ki, Biləsuvar RPŞ və Dövlət Sərhəd Xidmətinin əməkdaşlarının birgə həyata keçirdiyi əməliyyat-axtarış tədbirləri nəticəsində noyabrın 15-də rayonun Amankənd kəndinin ərazisində İran vətəndaşı Həmid Qureyşi Mirətadan 5 kq tiryək götürülüb.
Biləsuvar RPŞ və Baş Narkotiklərlə Mübarizə İdarəsinin Cənub Regional Şöbəsi və DSX-nin həyata keçirdiyi digər birgə əməliyyatlar nəticəsində noyabrın 16-da Yardımlı rayonu Pirembel kəndi ərazisində Bakı şəhər sakini Əzməmməd Məmmədovdan 1 kq tiryək və 6 kq həşiş qətranı götürülüb.
Hər iki faktla bağlı araşdırma aparılır.
...