Azərbaycan, Bakı, 6 iyul /Trend, müxbir İlhamə İsabalayeva/
Azərbaycan Milli Elmlər Akademiyasının (AMEA) Botanika İnstitutunda yanğın baş verməsi ilə bağlı yayılan məlumatlar yanlışdır. Bunu Trend-ə institutdan deyiblər.
Bildiriblər ki, sosial şəbəkələrdə şəkilləri də səhv yerləşdirərək yanğının Botanika İnstitutunda olduğunu yazıblar: "Əslində, institutda heç bir yanğın hadisəsi baş verməyib. Şəkillərə baxanda da aydın görünür ki, yanğın institutdan kənar ərazidə baş verib və institutla heç bir əlaqəsi yoxdur".