Bakı. Trend:
Bakı şəhəri, Xətai rayonunda mənzildə termometr sınıb və daxilindəki civə ətrafa dağılıb.
Trend-in Fövqəladə Hallar Nazirliyinin (FHN) rəsmi saytına istinadən verdiyi məlumata görə, maye halında olan kimyəvi element nazirliyin Mülki Müdafiə Qoşunlarının mütəxəssisləri tərəfindən müvafiq qaydada yığılıb və çirklənmiş ərazi demerkurizasiya edilib. Əməliyyat saat 22:30-da başa çatıb.
Həmçinin, paytaxtın Sabunçu rayonunda da mənzildə termometrin sınması nəticəsində daxilindəki civə ətrafa dağılıb. Maye halında olan kimyəvi element nazirliyin Mülki Müdafiə Qoşunlarının mütəxəssisləri tərəfindən müvafiq qaydada yığılıb və çirklənmiş ərazi demerkurizasiya edilib. Əməliyyat saat 00:00-da başa çatmışdır.