Bakı. Trend:
Səhər saatlarında Lənkəranda yanğın faktı qeydə alınıb. Trend-ə Fövqəladə Hallar Nazirliyindən (FHN) verilən məlumata görə, rayonun Velədi kəndində (rayon mərkəzindən 8 km aralı) vətəndaşa məxsus ümumi sahəsi 182 kv.m olan ikimərtəbəli 6 otaqlı evin ikinci mərtəbəsində xalça yanıb. Hadisə yerinə dərhal FHN qüvvələri cəlb edilib. Evin qalan hissəsi yanğından mühafizə olunub.
Yanğın saat 08:48-də yanğınsöndürənlər tərəfindən söndürülüb.