Bakı. Trend:
Gündüz saatlarında Bakıda iki nəfərin xəsarət alması ilə nəticələnən yanğın faktı qeydə alınıb.
Trend-ə Fövqəladə Hallar Nazirliyindən verilən məlumata görə, paytaxtın Sabunçu rayonunda yeddimərtəbəli yaşayış binasının 5-ci mərtəbəsində vətəndaşa məxsus ümumi sahəsi 38 kv.m olan 2 otaqlı mənzilin 1 otağında divan, kreslo və televizor yanıb. Yanğın zamanı iki nəfər xəsarət alıb. Yanğından mənzilin qalan hissəsi mühafizə olunub.
Yanğın saat 16:22-də yanğınsöndürənlər tərəfindən söndürülüb.