Bakı. Trend:
Bakıda 5 il əvvəl itkin düşən şəxsin yol qəzasında öldüyü müəyyən edilib.
Trend-in Daxili İşlər Nazirliyinin saytına istinadən verdiyi xəbərə görə, Bakı Şəhər Baş Polis İdarəsinin Cinayət Axtarışı İdarəsi əməkdaşlarının həyata keçirdikləri əməliyyat tədbirləri nəticəsində 2011-ci il aprelin 26-da Nərimanov rayonu ərazisində baş vermiş yol-nəqliyyat hadisəsi zamanı ölən şəxsin həmin il mayın 11-dən itkin düşmüş kimi axtarılan 61 yaşlı Məhərrəm Hüseynov olması müəyyən edilib.