Bakı. Trend:
Son günlər yağan intensiv yağışlar nəticəsində Lənkəran və Astara rayonlarının bəzi ərazilərində fərdi yaşayış evləri və həyətyanı sahələr yağış suları ilə dolub.
Fövqəladə Hallar Nazirliyindən (FHN) Trend-ə verilən məlumata görə, Lənkəran və Astara çaylarında suyun səviyyəsi artıb.
Bildirilir ki, yağıntıların törətdiyi fəsadların aradan qaldırılması üçün FHN-nin Dövlət Yanğından Mühafizə Xidmətinin, Mülki müdafiə qoşunlarının, Kiçikhəcmli Gəmilərə Nəzarət və Sularda Xilasetmə Dövlət Xidmətinin və Cənub Regional Mərkəzinin canlı qüvvə və texnikası yağıntı suları ilə dolmuş ərazilərə xilasetmə işlərini davam etdirir.
Oktyabrın 4 və 5-də gecə saatlarından FHN-nin xilasediciləri hadisə rayonlarında müxtəlif ünvanlarda köməksiz vəziyyətdə qalmış 367 nəfəri təhlükəsiz yerlərə təxliyə ediblər. Xilasetmə işləri barədə əlavə məlumat veriləcək.