Bakı. Samir Əli - Trend:
Bu gün Bakı Ağır Cinayətlər Məhkəməsində dələduzluqda təqsirləndirilən, "Azərbaycan Uşaqları Birliyi"nin sədri Kəmalə Ağazadənin cinayət işi üzrə məhkəmənin hazırlıq iclası başlayıb.
Trend-in məlumatına görə, hakim Zeynal Ağayevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Təqsirləndirilən şəxs ittiham aktı ilə tanış olmaq istədiyini bildirib və məhkəmədən vaxt istəyib.
Məhkəmə mayın 7-dək təxirə salınıb.
K. Ağazadə Cinayət Məcəlləsinin 308.1-ci (vəzifə səlahiyətlərindən sui-istifadə) və 178.3.2 - ci (dələduzluq; külli miqdarda törədildikdə) maddələri ilə təqsirləndirilib və barəsində başqa yerə getməmək haqqında qətimkan tədbiri seçilib.