Bakı. Elnur Bağışov - Trend:
Qar və çovğun İranın Zəncan vilayətində 50 kəndin yolunu bağlayıb. İranın Mazandaran vilayətində isə güclü qar yağması nəticəsində 30 kəndin rayonla əlaqəsi kəsilib.
Trend-in məlumatına görə, bunu İranın Zəncan vilayəti Yol və Yol Nəqliyyatı Baş İdarəsi rəisinin müavini Cavad Yusifi deyib.
İranın Yardım və Xilasetmə Təşkilatının sədri Murtaza Səlimi ötən 24 saat ərzində 9 vilayətdə, Şərqi Azərbaycan, Qərbi Azərbaycan, Ərdəbil, İsfahan, Çahar-Mahal və Bəxtiyari, Kürdüstan, Kohgiluyə və Buyir-Əhməd və Mazandaran vilayətlərində güclü qar və çovğunun olduğunu bildirib.
30 dağlıq ərazidə 2 083 nəfərə yardım edilib, 515 nəfər müvəqqəti yerlərdə yerləşdirilib. 3 nəfər tibbi məntəqələrə aparılıb.
Səlimi 198 avtomobilin qardan çıxarıldığını deyib.