Bakı. Trend:
Almaniyanın cənub-qərbində yerləşən Nekkarzulm şəhərində "Lidl" supermarketlər şəbəkəsinin ofis binasında partlayış olub.
Trend-in Xinhua-ya istinadən verdiyi məlumata görə, hadisə zamanı üç nəfər yaralanıb
Yerli polis partladıcının poçt vasitəsi ilə göndərildiyini bildirir. Yaralılardan birinin vəziyyəti ağır qiymətləndirilir.
Hazırda ofis binası tam boşaldılıb, yanğınsöndürmə xidməti və polis əməkdəşları ərazini mühasirəyə alıb. Araşdırma aparılır.