Bakı. Trend:
İranın cənubunda yerləşən Hörmüzqan vilayətində baş verən zəlzələ nəticəsində xəsarət alanların sayı 70 nəfərə çatıb.
Trend-in məlumatına görə, bu barədə İranın Təcili Yardım Təşkilatının sədri Cəfər Miadfər bildirib.
C.Miadfər qeyd edib: "Bəndər Abbas şəhərində baş verən zəlzələ nəticəsində xəsarət alanların sayı 70 nəfərə çatıb".
Onun sözlərinə görə, 22 nəfər xəstəxanaya yerləşdirilib, bir nəfər ölüb.
XXX
20:24
İranın cənubunda baş verən zəlzələ nəticəsində azı 1 nəfər həyatını itirib, 27 nəfər xəsarət alıb.
Trend yerli KİV-lərə istinadən xəbər verir ki, bu barədə məlumatı İranın Təcili Yardım Təşkilatının sədri Cəfər Miadfər verib.
Bildirilir ki, yeraltı təkanlar bir neçə dəfə təkrarlanıb, onların gücü 6,1 - 6,5 bal arasında dəyişib.
XXX
16:59
İranın cənubunda yerləşən Hörmüzqan vilayətinin Qeşm rayonunun Laft şəhəri yaxınlığında 6,4 bal gücündə baş verib.
Trend-in məlumatına görə, bunu İranın Tehran Universiteti Geofizika İnstitutu Seysmologiya Mərkəzindən bildiriblər.
Məlumata görə, zəlzələ yerli vaxtla saat 15:36-da 18 km dərinlikdə qeydə alınıb.
Ehtimal olunan dağıntı və tələfat haqqında məlumat verilməyib.