Bakı. Trend:
Ağcabədidə idarəetməni itirən sürücü yol kənarında dayanan iki minik maşınına və marketə çırpılıb.Hadisə rayonun Hindarx qəsəbəsində qeydə alınıb.
Trend-in yerli bürosunu verdiyi məlumata görə, yüksək sürətin səbəb olduğu qəzada bir nəfər xəsarət alıb. Lakin yol kənarında duran və sürətlə hərəkət edən "Mersedes-benz" tərəfindən vurulan "VAZ-011" və "VAZ-2107" markalı minik maşınlarına, həmçinin marketə ciddi zərər dəyib.
Qəza törədən şəxs, mersedesin sürücüsü müxtəlif bədən xəsarətləri aldığı üçün xəstəxanaya yerləşdirilib.
Faktla bağlı araşdırma başladılıb.