Bakı. Trend:
Füzuli rayonunda yanğın baş verib.
Fövqəladə Hallar Nazirliyindən Trend-ə verilən məlumata görə, rayonun Əhmədbəyli kəndində ümumi sahəsi 300 m² olan kafenin yanar konstruksiyaları və içərisindəki əşyalar 48 m² sahədə, yaxınlıqda ümumi sahəsi 72 m² olan birmərtəbəli mağazanın dam örtüyünün taxta atmaları 2 m² sahədə yanıb. Yüksək temperaturdan mağazanın xarici divarına quraşdırılan kondisioner qismən əriyib. Kafenin və mağazanın qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.