Bakı. Trend:
Şirvan şəhərində ümumi sahəsi 200 m² olan bir-birinə bitişik beş boksdan ibarət avtomobil təmiri sexinin sahəsi 40 m² olan boksunun dam örtüyünün taxta atmaları 6 m² sahədə, içərisində təmirə dayanan "Mercedes" markalı minik avtomobilinin salonu və mühərrik hissəsi yanıb.
Fövqəladə Hallar Nazirliyindən Trend-ə bildirilib ki, sexin və avtomobilin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.