Oktyabrın 19-da Bakı şəhəri, Xətai rayonu ərazisində fəaliyyət göstərən "Azərneftyağ" İstehsalat Birliyində (İB) baş vermiş yanğın təqribən 700 kv.m əraziyə zərər vurub. Bu barədə Trend ə İB-dən məlumat verilib.
Yanğın səhər saat 6.30 radələrində başlayıb. Yanğının güclənməsinə səbəb havanın küləkli olması olub. Hadisə yerində müəssisənin yanğınsöndürmə briqadası ilə birgə FHN-nin Səbail rayon Yanğınsöndürmə Xidmətinin əməkdaşları da işləyib.
İlkin ehtimala görə, yanğın zavodun həyətindəki tullantıların alovlanması nəticəsində baş verib. Hazırda yanğının dəqiq səbəblərinin araşdırılması məqsədilə hadisə yerində ekspert qrupu işləyir.