Azərbaycan, Bakı / Trend müxbir K.Zərbalıyeva/ Nəsimi rayonu ərazisində martın 4-də baş vermiş yol qəzasını törədən şəxs tutulub. Daxili İşlər Nazirliyindən bildirilib ki, Nəsimi Rayon Polis İdarəsinin 21-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində Elman Əkbərovun ölümü ilə nəticələnən yol-nəqliyyat hadisəsinin "BMW" markalı avtomaşının sürücüsü, Sumqayıt şəhər sakini Zaur Quliyev tərəfindən törədilməsi müəyyən edilib. Z.Quliyev tutulub.
Faktla bağlı Nəsimi rayon prokurorluğunda cinayət işi açılıb və istintaq aparılır.