Azərbaycan, Gəncə / Trend müxbir V.Məmmədov/ Son bir həftə ərzində Gəncədə keçirilən reydlər zamanı yol hərəkəti qaydalarını pozan 552 sürücü saxlanılıb. Bu barədə Gəncə Dövlət Yol Polisi İdarəsinin rəisi Adil Zeynalov məlumat verib.
Onun sözlərinə görə, sürücülərin 63-ü avtomobili sərxoş vəziyyətdə idarə etdiyinə, 25-i işıqforu qırmızı işıqda keçdiyinə, 35-i yüksək sürətə görə cərimələnib. Zeynalov bildirib ki, Novruz bayramı günlərində Gəncədə 4 yol-nəqliyyat hadisəsi baş verib. Nəticədə iki nəfər ölüb, altısı isə xəsarət alıb.
Gəncə Azərbaycanın ikinci ən böyük sənaye şəhəridir. Paytaxt Bakıdan 365 kilometr qərbdə yerləşir. 300 mindən artıq əhalisi var.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
