Azərbaycan, Naxçıvan/ Trend müxbir F.Zeynalov/ Naxçıvanda 16 mənzilli binanın bir hissəsində sökmə işləri aparılır. Bununla bağlı binada yaşayan əhali mənzillərdən köçürülüb. Naxçıvan şəhər Abadlıq və Təmir-Tikinti İdarəsindən bildiriblər ki, sökmə binanın qəza vəziyyətində olması ilə əlaqədar deyil. İşlər həm sakinlərin məişət şəraitinin yaxşılaşdırılması, həm Mərkəzi Atatürk küçəsində yolun və səkinin genişləndirilməsi ilə bağlıdır. Binanın sökülən hissəsinin əvəzində isə qarşı tərəfdə müvafiq tikinti işləri aparılacaq.
Məişət otaqlarınn həyətyanı ərazidə yerləşməsi sakinlər üçün, yolun dar olmasıisə əhali üçün bir sıra çətinliklər yaradırdı. Sökmə işləri mənzil sakinlərinin razılığı ilə aparılır. Müvafiq icra strukturları tərəfindən onların müvəqqəti olaraq digər yaşayış mənzillərində yerləşdirilməsi də təmin edilib. Görüləcək işlər çərçivəsində şəhərin arxitektura quruluşu da nəzərə alınıb.