Azərbaycan, Bakı, 10 yanvar /Trend, müxbir X.Murtuzayeva/
Hyustondakı Beylor Tibb Kollecinin əməkdaşları müəyyən ediblər ki, orqanizmdə həyəcan və davranışla bağlı problemlərin arxasında duran iki genin təsirinin artması MeCP2 proteininin çoxluğu ilə əlaqədardır. Söhbət kortikotropin-hormon azad edən və MOR 1 genlərindən gedir. Trend-in məlumatına görə, bu barədə "Truth Dive" xəbər verir.
Qeyd etmək lazımdır ki, MeCP2 proteininin çatışmaması və ya düzgün işləməməsi zamanı qızlarda Retta sindromu adlanan nevroloji pozğunluq inkişaf edir. Proteinin yüksək konsentrasiyası isə MeCP2-nin ikiləşməsi sindromuna təhrik edir. O əsasən oğlan uşaqlarını zədələyir.
Hər iki halda insan səksəkədən əziyyət çəkir və onda qeyri-adekvat davranış, koqnitiv problemlər və dayaq-hərəkət sistemi tərəfindən sapmalar müşahidə olunur. "MeCP2-nin ikiləşməsi sindromuna malik siçanları və real pasiyentləri müşahidə edərək biz məhz MeCP2-nin xəstəliyin inkişafında əsas rol oynadığını müəyyən etməyə nail olduq. Hazırda biz sindromun əsas simptomlarını təşkil edən iki geni ayırmışıq", - tədqiqatın müəlliflərindən biri, doktor Rodni Samako deyib.
Beləliklə sübut olunub ki, proteinə təsir edən genlərin ekspressiyasına təsir zülalın göstəricilərini nizama salmaq cəhdləri ilə müqayisədə daha effektivdir. Mütəxəssislər əmindirlər ki, bu yaxın gələcəkdə terapiyanın yeni metodlarının yaranmasına ümid verir.