Azərbaycan, Bakı, 27 mart /Trend, müxbir X.Murtuzayeva/
Qadınların əksəriyyəti sirr saxlamağı bacarmır. ABŞ-ın Tafts Universitetinin alimləri adamlarda qiymətli məlumatı öyrənən kimi nəyə görə onu dərhal kiminləsə bölüşmək arzusunun meydana çıxdığını öyrənməyi qərara alıblar. Bu barədə Trend "The Daily Mail"-ə istinadən xəbər verir.
Mütəxəssislərin fikrincə, bütün məsələ əslində insana fiziki baxımdan təsir edən emosional yüklənmədədir. Yəni sirr saxlayan şəxs gündəlik işləri çətinlik kimi qəbul edir. Testlər göstərib ki, müəyyən hissi, hərəki vəziyyətlərin mövcudluğu sirrin insan həyatını ağırlaşdırdığından xəbər verir.
Belə ki, aparılan eksperiment zamanı adamlardan az və ya çox dərəcədə vacib sirri xatırlamaq xahiş olunub. Və bunun əsasında onlar iki qrupa bölünüb. Bundan sonra könüllülərə təpənin sıldırım olması və ya hansı məsafədə yerləşdiyini müəyyən etmək tapşırılıb.
Birinci qrupdan olan adamlar hesab ediblər ki, təpə sıldırımdır, məsafə isə böyükdür. Bununla belə, bu qrupdan olan insanlar əllərində yük nərdivanla qalxma və ya itlə gəzintini böyük fiziki səyləri tələb edən iş kimi təsəvvür ediblər. Ümumilikdə, tədqiat nəticəsində belə tendensiya formalaşıb ki, sirr nə qədər vacib olarsa, adamlar özlərini bir o qədər pis hiss edirlər.