Azərbaycan, Bakı, 16 fevral /Trend, müxbir Məftun Salmanov/
Avstraliyanın Çinçilla şəhərində "Melon Festival" çərçivəsində qarpızla sürüşmə yarışı keçirilib. Trend-in xarici mətbuata istinadən verdiyi məlumata əsasən, yarış 21 ildir keçirilir.
Bu dəfə tədbirin tarixi ərzində ən çox ziyarətçi sayı qeydə alınıb. 4 gün ərzində festivala 15 mindən çox şəxs baş çəkib.
Festival çərçivəsində ümumilikdə təqribən 20 ton qarpız məhv edilib.
Qeyd edək ki, Çinçilla şəhəri Avstraliyanın "qarpız paytaxtı" hesab edilir.