Azərbaycan, Bakı, 17 fevral/ Trend , müxbir E.Tariverdiyeva/ ATƏT-in Minsk Qrupu həmsədrləri fevralın sonunda Bakıya gələcəklər. Bu barədə Trend -a amerikalı həmsədr Metyu Brayza bildirib.
"Səfər təxminən fevralın 27-də reallaşdırılacaq", - deyə o bildirib.
İki Cənubi Qafqaz ölkəsi arasında münaqişə 1988 - ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994 -cü ildə tərəflər atəşkəs rejiminə dair razılaşma əldə ediblər və o vaxtdan bəri, ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə, hələ ki, nəticəsiz sülh danışıqları aparılır. Vasitəçilər münaqişə tərəfləri ilə münaqişənin nizamlanması üzrə "baza prinsipləri"nin bu günədək razılaşdırımayan elementlərini müzakirə edəcəklər.
Bu, Davosda keçirilən İqtisadi Forumda iştirak çərçivəsində yanvarın 28-də Azərbaycan və Ermənistan prezidentləri arasında Sürixdə baş tutan görüşdən sonra həmsədrlərin regiona ilk səfəridir.
Məqalə müəllifi ilə əlaqə ünvanı - [email protected]
