Ermənistanla təmas xəttində yaralanmış Azərbaycan əsgəri hospitaldadır, vəziyyəti kafidir - Müdafiə Nazirliyi
Azərbaycan, Bakı, 18 mart / Trend , müxbir K.Zərbalıyeva/
Ermənistan silahlı qüvvələri tərəfindən atəşkəsin pozulması nəticəsində yaralanmış əsgər hospitalda müalicə olunur.
Azərbaycan Müdafiə Nazirliyi mətbuat xidmətinin cümə axşamı yaydığı məlumata görə, martın 17-də "N" saylı hərbi hissənin əsgəri Əliyev Mustafa Aslan oğlu yaralanıb. Əsgər Əliyev hazırda hospitaldadır, vəziyyəti kafidir.
Bu gün bəzi KİV-də əsgərin dünyasını dəyişməsi barədə məlumat verilib. Müdafiə Nazirliyi məlumatın yanlış olduğunu bəyan edir.
