Azərbaycan, Bakı, 15 oktyabr /Trend/
Azərbaycan Müdafiə Nazirliyinin mətbuat xidmətinin cümə günü yaydığı məlumata görə, Ermənistan silahlı Qüvvələrinin bölmələri oktyabrın 14-də saat 10:00-dan 10:15-dək Ermənistan Respublikası İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində yerləşən mövqelərimizi atəşə tutublar.
Həmin gün saat 14:30-dan 14:35-dək erməni hərbçiləri Xocavənd rayonu ərazisindəki adsız yüksəkliklərdə yerləşən mövqelərdən;
saat 14:40-dan 14:45-dək Ağdam rayonunun Mərzili kəndi yaxınlığında yerləşən mövqelərdən;
saat 18:15-dən 18:35-dək Füzuli rayonunun Aşağı Əbdülrəhmanlı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Həmçinin, oktyabrın 15-də saat 01:35-dən 01:55-dək Tərtər rayonunun Qızıloba kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutulub.
Düşmən cavab atəşi ilə susdurulub. İtki yoxdur.