...

ABŞ və Rusiya Dağlıq Qarabağ münaqişəsinin nizamlanması perspektivlərini müzakirə ediblər

Ermənistan-Azərbaycan münaqişəsi Materials 19 Yanvar 2012 10:09 (UTC +04:00)
Rusiya XİN rəhbərinin müavini Qriqori Karasin yanvarın 17-də Vaşinqtonda ABŞ dövlət katibinin Avropa məsələləri üzrə müavini Filip Qordonla Dağlıq Qarabağ məsələsini müzakirə edib.
ABŞ və Rusiya Dağlıq Qarabağ münaqişəsinin nizamlanması perspektivlərini müzakirə ediblər

Azərbaycan, Bakı, 19 yanvar /Trend, müxbir E.Tariverdiyeva /

Rusiya XİN rəhbərinin müavini Qriqori Karasin yanvarın 17-də Vaşinqtonda ABŞ dövlət katibinin Avropa məsələləri üzrə müavini Filip Qordonla Dağlıq Qarabağ məsələsini müzakirə edib. Trend-in məlumatına görə, bu barədə Rusiya XİN-in rəsmi saytı məlumat verib.

Məlumatda deyilir ki, Karasin və Qordonun görüşü zamanı Dağlıq Qarabağ və Dnestryanı münaqişələrinin nizamlanmasında irəliləyişlərin perspektivlərinə toxunulub.

Görüş zamanı habelə Rusiya və ABŞ-ın Belarus, Ukrayna, Moldova və Cənubi Qafqaz dövlətləri ilə əlaqələrinin qarşılıqlı maraq doğuran məsələləri də müzakirə olunub.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

Xəbər lenti

Xəbər lenti