Azərbaycan, Bakı, 8 iyun /Trend, müxbirlər E.Mehdiyev, E.Tariverdiyeva/
Avropa İttifaqı qoşunların təmas xəttində gərginliyin və həlak olanların sayının artması ilə bağlı narahatlığını ifadə edir. Trend-in məlumatına görə, bu barədə cümə günü jurnalistlərə Aİ-nin Azərbaycandakı nümayəndəliyinin rəhbəri Roland Kobia bildirib.
"Biz tərəfləri münaqişəni hərbi qüvvənin köməyi ilə həll etməyə deyil, danışıqlar masası arxasına əyləşməyə vadar etməliyik", - Kobia deyib.
Onun sözlərinə görə, Aİ dinc nizamlanmaya keçidə cəhd etmək üçün xalqlar arasında etimadın möhkəmləndirilməsi üzrə tədbirlər təklif edir.
"Mən həlak olanların doğmalarına və yaxınlarına, Azərbaycan xalqına başsağlığı verirəm", - Kobia deyib.