Azərbaycan, Bakı, 30 noyabr /Trend, müxbir K.Zərbalıyeva/
Ermənistan tərəfi girovluqda olan azərbaycanlı mülki şəxsi Telman Cavanşir oğlu Əliyevi Azərbaycana təhvil verib.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi Şahin Sayılov Trend-ə deyib ki, təhvilvermə prosesi noyabrın 30-da günorta saatlarında Ermənistan-Azərbaycan sərhədində baş tutub.
Xatırladaq ki, Azərbaycanın Qazax rayonunun Alpoud kənd sakini Telman Əliyev (1971-ci il təvəllüdlü) noyabrın 12-də azaraq Ermənistan-Azərbaycan sərhədini keçmişdi.