Azərbaycan, Bərdə / Trend müxbir Ş.Cəliloğlu/ Tərtər rayonunda yaşayan şəhid, Qarabağ müharibəsi iştirakçısı və veteranlarının ailələri bu ilin sonuna kimi evlə təmin olunacaqlar. Bu barədə Tərtər rayonun icra başçısı Vidadi İsayev şənbə günü məlumat verib.
Onun sözlərinə görə, bu məqsədlə rayonun ərazisində üç bina tikilir. Bunlardan biri Əmək və Əhalinin Sosial Müdafiyə Nazirliyi tərəfindən tikilir və bu binanın smeta dəyəri 385 min manatdır. Artıq iki mərtəbəli 16 mənzilli binanın inşası başa çatmaq üzrədir. Son tamamlama işləri aparılan bina aprelin sonuna gədər təhvil veriləcək. 12 mənzildən ibarət digər iki bina isə Tərtər rayon İcra Hakimiyyətinin vəsaiti hesabına inşa olunur.
