Azərbaycan, Lənkəran / Trend , müxbir P.Əliyeva/ Azərbaycanın cənub bölgəsində narkotiklərin qanunsuz dövriyyəsinə qarşı uğurlu əməliyyat keçirilib. Daxili İşlər Nazirliyinin Baş Narkotiklərlə Mübarizə İdarəsinin cənub bölgəsi Regional Şöbəsindən bazar ertəsi Trend ə bildiriblər ki, əməkdaşlarının Lənkəran rayon ərazisində keçirdikləri əməliyyat tədbirləri nəticəsində, 1984-cü il təvəllüdlü Astara rayon sakinləri Mehdi Telman oğlu İmanov və 1981-ci il təvəllüdlü Taleh Atakişi oğlu Mirzəyevdən narkotik vasitə olan 2 kq-a yaxın həşişi Lənkəran şəhərində satarkən tutulublar. Faktla bağlı toplanmış materiallar DİN Baş Mütəşəkkil Cinayətkarlığa Qarşı Mübarizə İdarəsinin İstintaq İdarəsinə göndərilib.
Astara paytaxt Bakıdan 320 kilometr cənubda yerləşir.