Azərbaycan, Bakı / Trend , müxbir K.Ramazanova/ GUAM ölkələri öz ərazilərindəki "dondurulmuş münaqişələr"i həll etmək məqsədilə vahid mövqe ilə çıxış etmək qərarına gəliblər və BMT-nin GUAM ölkələri üçün tribunasını bu münaqişələrin həllinə təsir göstərmək şansı hesab edirlər.
Azərbaycanın xarici işlər nazirinin müavini Araz Əzimov cümə günü jurnalistlərə bildirib ki, münaqişələr həm fərqlərə, həm də oxşarlıqlara malikdir. "GUAM beynəlxalq ictimaiyyətin hər bir vasitəçiliyini dəstəkləyir" - deyə Əzimov bildirib.
Nazir müavininin sözlərinə görə, BMT-də beynəlxalq ictimaiyyət tərəfindən bu məsələlərə baxılması münaqişələrin nizamlanması prosesini ləngidən ölkələrə müraciət ola bilər.
