...

ATƏT Kosovonun bütün cəmiyyətləri naminə işləri davam etdirməlidir

Siyasət Materials 7 Fevral 2008 19:17 (UTC +04:00)

Azərbaycan, Bakı, 07 fevral/ Trend , müxbir K.Ramazanova/ ATƏT statusundan asılı olmayaraq, Kosovonun bütün cəmiyyətləri naminə işləri davam etdirməlidir.-- ATƏT-in fəaliyyətdə olan nümayəndəsi, Finlandiyanın xarici işlər naziri İlkka Kanerva cümə axşamı Priştinada bildirib.

"Mən ATƏT-in missiyasının Kosovodakı işini tam dəstəkləyirəm və tam əminliklə ATƏT-in Kosovoda fəallığı davam etdirməli olduğunu hesab edirəm", - Kanerva bildirib.

Onun sözlərinə görə, ATƏT yerli hakimiyyət orqanlarının insan haqları, hüquq normaları və yaxşı idarəetmə metodlarını təmin etməsi işinə nəzarət və yardım edir və bu vacib iş davam etməlidir.

Kanervanın sözlərinə görə, "hələ çox şey edilməlidir və ATƏT-in dəstəyi, hələ ki lazımdır"

1999-cu ildən formal olaraq Serbiyanın tərkibində qalan Kosovo bölgəsi BMT-nin idarəsi altındadır. Kosovo albanları Serbiyanın bu bölgəsinin müstəqilliynə təkid edirlər. Qərb bölgənin müstəqilliyini tanımağa hazır olduğunu bildirib. Lakin Belqrad bu regiona yalnız muxtariyyət verməyə hazırdır. Rusiya BMT-nin Nizamnaməsini pozaraq, Belqradın sərhədlərin dəyişdirilməsini istisna edən mövqeyini dəstəkləyib və bu, RF-nin veto hüququna malik olduğu Təhlükəsizlik Şurası formatında "danışıqların dalana dirənməsi" kimi qəbul edilib.

Böyük Britaniya, ABŞ və Fransanın simasında beynəlxalq vasitəçilər "üçlüyü" Serbiya və Kosovo ilə keçirilən danışıqlardan sonra, dekabrda BMT-nin Təhlükəsizlik Şurasına məruzə təqdim ediblər. Sənəddə tərəflərin bölgənin statusu üzrə razılığa nail ola bilmədikləri təsdiq edilir. Priştina, əvvəlki kimi, Kosovonun müstəqil olmasına təkid edir. Belqrad isə, öz növbəsində, Serbiyanın tərkibində geniş muxtariyyətin verilməsinə razıdır.

Xəbər lenti

Xəbər lenti