Azərbaycan, Bakı, 13 fevral / Trend , müxbir Q.Cəbiyev/ Azərbaycanın tanınmış siyasi xadimləri seçki qabağı yeni blok yarada bilərlər. "Yeni Siyasət" blokunun başqa formatda təsis edilməsi nəzərdə tutulur" çərşənbə günü Trend ə blokun təsisçilərindən olan, Azərbaycanın eks-spikeri Yaqub Məmmədov bildirib.
"YeS" 2005-ci il parlament seçkiləri ərəfəsində Azərbaycan Sosial Demokrat Partiyasının (ASDP) həmsədri Araz Əlizadə, Azərbaycan Naminə İctimai Forumun rəhbəri Eldar Namazov, hazırkı millət vəkilləri Vahid Əhmədov, Əli Məsimov, Liberal Partiyasının lideri Lalə Şövkət tərəfindən təsis edilmişdi. Yaranmasından az sonra Şövkət bloku tərk etsə də, qurum fəaliyyətini davam etdirmişdi.
Məmmədov bildirib ki, yeni blokun yaranması üçün hələki təşkilatlanma işlərinə başlanılmayıb. Ancaq yeni ideya ətrafında müzakirələr aparılır.
Azərbaycanda prezident seçkisi oktyabrda keçiriləcək.
Müəlliflə əlaqə saxlamaq üçün elektron ünvan - [email protected]
