...

Türkmənistan və Azərbaycan hökumətləri Bakıda görüşəcək

Siyasət Materials 15 Fevral 2008 18:44 (UTC +04:00)

Azərbaycan, Bakı 15 fevral / Trend , müxbir E.Hüseynov/ İqtisadi əməkdaşlıq üzrə Azərbaycan-Türkmənistan hökumətlərarsı komissiyasının ikinci iclası 2009-cu ildə Bakıda keçiriləcək. Bu barədə Trend ə Türkmənistan XİN - dən məlumat verilib.

Aşqabaddan cümə günü telefonla bildiriblər ki, birgə komissiyanın yanvarın 17-də Aşqabadda keçirilən ilk iclasında tərəflər növbəti iclasın Bakıda keçirilməsi barədə razılığa gəliblər. Türkmənistan XİN - dən əlavə ediblər ki, razılaşmaya əsasən, hökumətlərarası komissiyanın iclası ildə bir dəfə keçiriləcək. Növbəti iclas gələn ilə nəzərdə tutulub. Dəqiq tarix ayrıca razılaşdırılacaq.

Komissiyanın Azərbaycan tərəfinin həmsədri, Baş nazirin birinci müavini Yaqub Eyyubov, Türkmənistan tərəfindən isə, Nazirlər Kabinetinin sədr müavini Xıdır Saparlıyevdir. Türkmənistan XİN-nin bu yaxınlarda verdiyi məlumata görə, Aşqabad görüşündə tərəflər ikitərəfli əməkdaşlığın prioritet istiqamətlərini konkretləşdirib, qarşılıqlı faydalı ticari-iqtisadi və humanitar əməkdaşlığın genişləndirilməsi, enerji sektorunda effektli qarşılıqlı fəaliyyətə hazır olduqlarını bildiriblər. Müzakirələrin predmeti nəqliyyat və rabitə, ətraf mühitin qorunması sahəsində tərəfdaşlığın inkişafı mövzusu olub. Görüşdə tərəflər 1993-1995 və banklararası hesablamalar üzrə 1992-1993-cü illər ərzində türkmən təbii qazının tədarükünə görə, Azərbaycanın Türkmənistana borcunun nizamlanması barədə razılığa gəliblər.

Cümə cünü Türkmənistan XİN-dən verilən məlumata görə, iki ölkənin hökumət üzvləri səviyyəsində qarşılıqlı gediş-gəlişin həyata keçirilməsi üzərində iş aparılır.

Müəlliflə əlaqə saxlamaq üçün elektron ünvan : [email protected]

Xəbər lenti

Xəbər lenti