Azərbaycan, Bakı, 21 fevral / Trend , müxbir S.İlhamqızı/ Azərbaycanın Mərkəzi Seçki Komissiyasının sədri Məzahir Pənahov martın 2-də Rusiyada keçiriləcək prezident seçkisini müşahidə edəcək. Bu barədə Trend ə MSK-dan məlumat verilib.
Azərbaycan MSK-sı adından Rusiyaya Pənahovun rəhbərliyi ilə beş nəfərdən ibarət müşahidəçi heyəti gedəcək. Bundan başqa, MSK-nın iki nəfər nümayəndəsi isə MDB İcraiyyə Komitəsinin müşahidə missiyası tərkibində Rusiyadakı seçkiləri müşahidə edəcək.
MSK sədrinin rəhbərlik etdiyi müşahidəçi heyəti fevralın 29-dan martın 4-dək Rusiyada olacaq. Bu müşahidə Rusiya MSK-sının dəvəti əsasında baş tutacaq.
