Azərbaycan, Bakı, 5 mart / Trend , müxbir S.İlhamqızı/ Azərbaycanda səfərdə olan ABŞ Dövlət Katibinin müavininin köməkçisi, Minsk Qrupunun amerikalı həmsədri Metyu Brayza çərşənbə günü Qarabağ Münaqişəsinin Tənzimlənməsi üzrə İctimai Şuranın üzvləri ilə görüşüb. Bu barədə Trend ə İctimai Şuranın üzvü Arzu Abdullayeva məlumat verib.
Görüşdə Qarabağ münaqişəsinin tənzimlənməsi istiqamətində müzakirələr aparılıb.
Abdullayevanın sözlərinə görə, Brayza bildirib ki, Dağlıq Qarabağ münaqişəsinin dinc yolla nizamlanması üçün Ermənistan və Azərbaycan cəmiyyətləri arasında danışıqlar aparılmasını vacib sayır. Amerikalı həmsədr, həmçinin, qeyd edib ki, bundan sonra Qarabağ Şurası ilə sıx əməkdaşlıq edəcək və hər səfərində qurumla problemin həlli istiqamətində müzakirələr aparacaq.
