Azərbaycan, Bakı, 19 mart / Trend , müxbir K.Ramazanova/ Beynəlxalq Böhran Qrupu hesab edir ki, Kosovo dondurulmuş münaqişə ola bilər.
"Müstəqilliyin birinci ayının böyük hissəsi normal keçdi, lakin Mitrovitsdəki dünənki zorakılıq göstərir ki, müstəqilliyə qarşı çıxanlar yeni dövləti yenə də təhdid edə bilərlər, həmçinin Kosovodakı serb tərəfdarlarının möhkəmlənməsi riski mövcuddur" - deyə Beynəlxalq Böhran Qrupunun Kosovonun müstəqilliyi üzrə monitorinqin nəticələrinə dair məlumatında bildirilir.
Martın 17-də Kosovo Mitrovitsində serb nümayişçilərlə BMT polisi və NATO qüvvələrini təmsil edən hərbçilər arasında kütləvi toqquşmalar baş verib. Kosovo Parlamenti fevralın 17-də Serbiyadan ayrılaraq birtərəfli qaydada öz müstəqilliyini elan edib. Bir çox Avropa İttifaqı ölkələri və ABŞ artıq Kosovonun müstəqilliynin tanınmasına dair bəyanat verib. Çərşənbə axşamı həmçinin Yaponiya da bu bəyanatla çıxış edib. Rusiya və Serbiya Priştinanın birtərəfli addımını qanunsuz adlandırır və burada beynəlxalq hüquq normalarının pozulduğunu bildirir.
"Serbiya və Rusiya olduqca aydın bilməlidir ki, Kosovonun parçalanması yolverilməzdir. BMT Baş katibi BMT və Aİ-nin məhz həmin məqsədlər üçün işlədiyni bir daha təsdiq etməlidir" - deyə Böhran Qrupunun Proqramının avropalı direktoru Sabina Freyzer bildirib
Böhran Qrupu hesab edir ki, Belqrad Kosovo serblərini Kosovo idarələri ilə bütün müqavilələri pozmağa təhrik edir və şimalda öz nəzarətini gücləndirir. Bu, Kosovo serblərini Aİ-nin yeni missiyasına qarşı çıxmağa talimatlandırıb. Belqrad Serbiyanın BMT (UNMIK) və NATO missiyaları ilə əmkdaşlıq edəcəyni təkid edir. "Bunda məqsəd Kosovonun Serbiya ərazisi kimi beynəlxalq səviyyədə tanınmasını bərpa etmək, daha sonra isə ərazilərin serb və alban dilli daxili bölüşdürməsini həyata keçirməkdir" - deyə BBQ bildirir.
"Kosovo hökuməti vilayətin iqtisadi inkişafına kömək edəcək qanunlar qəbul etməlidir" - deyə Böhran Qrupunun Kosovo üzrə direktoru Aleks Anderson bildirib.
BMT və NATO Aİ hüquq normalarının tədricən işə salınması üçün polis, məhkəmə və həbsxanalar vasitəsilə Kosovo sərhədlərinin effektiv idarə olunmasına cəhd göstərməlidir. "Bu, ilk əvvəl sərhədlər və gömrük postlarına aid olmalıdır" - deyə qrupun nümayəndəsi bildirib.
