Azərbaycan, Lənkəran. 09 aprel / Trend , müxbir P.Əliyeva/ Respublikanın cənub bölgəsində qanunsuz dövriyyədən çıxarılan narkotiklərin miqdarı artıb.
Daxili İşlər Nazirliyinin Baş Narkotiklərlə Mübarizə İdarəsinin cənub bölgəsi üzrə regional şöbəsindən Trend a bildirilib ki, cari ilin birinci rübündə bu bölgədə narkotiklərin qanunsuz dövriyyəsi ilə bağlı 24 cinayət faktı qeydə alınıb və dövriyyədən 26 kiloqram narkotik vasitə çıxarılıb.
Ötən ilin müvafiq dövründə cənub bölgəsində 18 fakt üzrə 14 kiloqrama yaxın narkotik vasitə dövriyyədən çıxarılıb.
Bu il qeydə alınmış cinayət faktlarının 15-i narkotiklərin satışı, 4-ü saxlanması, qalanları isə qaçaqmalçılığı ilə bağlıdır.
Tutulan narkotiklərin 11 kiloqrama yaxını tiryək, 10 kiloqramı həşiş, 5 kiloqramdan çoxu heroin olub.
Narkotika cinayətlərinə görə, hesabat dövründə 16 nəfər cinayət məsuliyyətinə cəlb olunub. Onlar arasında İran vətəndaşları və qadınlar olmayıb.
Aşkar olunmuş cinayətlərin 6-sı Yardımlının, 5-i Lənkəran və Cəlilabadın, biri Astaranın payına düşüb.
Məqalənin müəllifi ilə [email protected] ünvanı ilə əlaqə saxlaya bilərsiniz
