Azərbaycan, Bakı, 25 aprel / Trend , müxbir K.Zərbalıyeva/ Bakıda qanunsuz sement istehsalı və satışı ilə məşğul olan iki nəfər tutulub.
Daxili İşlər Nazirliyindən cümə günü verilən məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat zamanı Binəqədi rayonu ərazisində, Poladtökmə zavodunun arxasında yerləşən anbarda qanunsuz sement istehsalı və satışını təşkil edən Bakı şəhər sakini Pərviz Mirzəyev və Bərdə rayon sakini Orxan Əliyev tutulublar. Anbara baxış zamanı Rusiya və Ukrayna dövlətlərinə məxsus müxtəlif şirkətlərin əmtəə nişanı, 56,5 ton sement və 650 ədəd boş kisə aşkarlanıb. Faktla əlaqədar cinayət işi başlanıb.
Məqalənin müəllifi ilə [email protected] ünvanı ilə əlaqə saxlaya bilərsiniz