...

Taliban rəhbərinin İranı tənqid etməsi əslində təbliğat xarakteri daşıyır – İran-Ərəb Tədqiqat Mərkəzinin sədri

Siyasət Materials 25 Aprel 2008 16:59 (UTC +04:00)

Azərbaycan, Bakı, 25 aprel / Trend , müxbir D.Xatınoğlu/ Taliban qruplaşmasında ikinci yüksək səlahiyyətli şəxs Eymən əl-Zəvaherinin (Eiman al-Zavaheri) İranı tənqid etməsinin səbəbi Əl-Qaidənin İranın nüfuzu altında olmadığını göstərməklə bağlıdır. "Taliban rəhbərinin İranı tənqid etməsi təbliğat xarakteri daşıyır"- deyə İran-Ərəb Tədqiqat Mərkəzinin sədri Əlirza Nurizadə (Ali Reza Nourizadeh) hesab edir.

BBC-nin aprelin 22-də yaydığı məlumata əsasən, əl-Zəvaheri İran rəsmilərini 11 sentyabr hadisələrinə şübhə ilə yanaşmaqda ittiham edərək pisləyib. İran prezidenti keçən həftə Qum şəhərində çıxışı zamanı 11 sentyabr teraktının Əl-Qaidə tərəfindən törədilməsi ilə bağlı şübhələrini bildirib. Əl-Zəvaheri həmçinin, Talibanın müstəqil mübarizə apardığını və İrandan fərqli siyasət yürütdüyünü qeyd edib. Əl-Zəvaheri bildirib ki, İranın İraqda nüfuzunun artması Əl-Qaidənin maraqlarına ziddir.

"Əl-Zəvaheri özü də çox yaxşı bilir ki, hazırda yüzdən artıq taliban, bu təşkilatın rəhbərlərindən bəziləri, məhz Bin Ladenin iki oğlu da İrandadır. İran rəsmiləri talıbanların ölkədə əsir düşdüklərini, lakin məhbus deyil, ev dustağı olduqlarını bildirib. Lakin onlar sərbəst şəkildə xaricdə fəaliyyətdə olan qüvvələrə rəhbərlik etməkdə davam edirlər" - deyə Nurizadə cümə günü telefonla Londondan bildirib.

O hesab edir ki, əl-Zəvaheri istəyir ki, Talibanın mübarizəsinin müstəqilliyini vurğulasın. "İran gizli şəkildə Əl-Qaidə şəbəkəsi ilə əməkdaşlıq edir. Əl-Zəvaheri bir növ öz tərəfdarlarına bildirmək istəyib ki, fundamental sünni təfəkkürlü Əl-Qaidə şiə məzhəbli Tehranın nüfuzu altında deyil" - deyə iranlı politoloq bildirib.

"İran və Taliban arasında böyük fikir ayrılıqları var. Əl-Qaidənin İraqdakı fəaliyyəti İranın zərərinədir" - deyə şotlandiyalı ekspert Paul Vilkinson (Paul Wilkinson ) Çexiyada yerləşən "Farda" radiosuna musahibəsində bildirib. St Andrew Universitetinin (St Andrews University) Terrorizm Tədqiqat Mərkəzinin sədri Vilkinson bildirib ki, Əl-Qaidə İraqda nüfuzlarını itirdiyi üçün narahatdır. "Onlar İrana qarşı mövqelərini bildirməklə İraqdakı sünni tərəfdarlarını artırmaq niyyətindədirlər. İraqda şiələr üstünlük təşkil edir və İranın sünni məzhəbli Taliban ilə əməkdaşlığı həm İran, həm də Əl-Qaidənin ziyanınadır" - deyə Vilkinson bildirib.

Xəbər lenti

Xəbər lenti