Rusiya, Moskva, 05 may / Trend , müxbir R.Ağayev/ "AtomTikintiİxrac" QSC İranın Buşehr şəhərində yerləşən atom elektrik stansiyası üçün gələcəkdə də yük nəql etməyə hazırdır, o cümlədən Azərbaycandan. Bu barədə bazar ertəsi Trend a "AtomTikintiİxrac" QSC-nin mətbuat xidmətinin rəhbəri İrina Yesipova bildirib.
Bir sıra Rusiya KİV-i bazar günü "AtomTikintiİxrac"ın material ilə yüklənmiş son avtomobil karvanının Azərbaycan gömrükçüləri tərəfindən bir ay müddətində saxlanılmasından sonra, guya Buşehr AES-i üçün yüklərin Azərbaycandan tədarük olunmamasına dair qərar qəbul etməsi barədə məlumat yayıb. Ötən həftə vəziyyət aydınlaşdırıldıqdan sonra yük İrana buraxılıb.
Onun sözlərinə görə, Azərbaycan ərazisindən keçən nəqliyyat axınlarının optimallaşdırılması və Buşehr AES-i üçün marşrutun oprimallığı nöqteyi - nəzərindən "AtomTikintiİxrac" üçün kifayət qədər cəlbedicidir. Lakin Yesipova hesab edir ki, yük axınlarının daim və sistemli rejimdə həyata keçirilməsi üçün Azərbaycan tərəfi ilə razılaşma əldə etmək lazımdır. "Bu gələcək danışıqların mövzusudur, hazırda bu məsələdə təkcə "AtomTikintiİxrac" iştirak etmir. Düşünürəm ki, konsensusu tapılacaq", - deyə şirkətin mətbuat xidmətinin rəhbəribildirib.
Yesipova qeyd edib ki, əslində, yük partiyası həmişə gedir və bu, təkcə Azərbaycandan həyata keçirilmir. "Bu tədarüklər hər gün müxtəlif nəqliyyat marşrutları - Türkiyə, Xəzər dənizi üzrə Həştərxandan keçməklə və digər sərhədlər üzrə hayata keçirilir. Tədarük dayandırılımır və Azərbaycandan başqa,bizim digər nəqliyyat marşrutlarımız da var. Ümumiyyətlə, nəqliyyat axınlarının optimallaşdırılması baxımından məhz Azərbaycandan keçən marşrutun seçilməsi barədə qərar qəbul olunub", - deyə o bildirib.
Yesipova təsdiq edir ki, Azərbaycandan daşınan yüklərin hər hansı bir müəyyən olunmuş təsnifi mövcud deyil. Onlar, digər nəqliyyat marşrutları üzrə olduğu kimi, müxtəlif ola bilər. "Ən mürəkkəb yük olan nüvə yanacağı artıq Novosibirskdən təyyarələr vasitəsilə Buşehr AES-nə nəql olunub. Yalnız köməkçi avadanlıqlar qalmışdı və bu da artıq stansiyaya çatdırılıb. Lakin stansiya bu köməkçi tikinti avadanlıqları olmadan işləyə bilmir, AES tam olaraq komplektləşdirilməlidir", - mətbuat xidmətinin rəhbəri yekunlaşdlırıb.
Rusiyanın "AtomTikintiİxrac" şirkətinin "Buşehr" AES-i üçün nəzərdə tutulan istilik keçirməyən avadanlıqdan ibarət yükü mart ayının sonunda Azərbaycanın İranla sərhədində saxlanılmışdı. Azərbaycan gömrük xidməti Rusiya tərəfindən ixrac yükləri üzərində beynəlxalq nəzarətin tələblərinə müvafiq əlavə sənədlər tələb edirdi.
"AtomTikintiİxrac", öz növbəsində, qeyd edib ki, yük ikili təyinatlı mal və nüvə materialı deyil, onun tədarükü isə, beynəlxalq təcrübədə qəbul edilmiş bütün qaydalar əsasında formalaşdırılıb.
Buşehr AES-ni 1975-ci ildə Almaniya şirkətləri inşa etməyə başlayıb və İran inqilabı, Tehranda ABŞ səfirliyinin tutulması və Amerika tərəfindən İrandan yüksək texnologiyaların tədarükünə embarqo qoyulduqdan sonra onlar müqavilədən imtina edib.
1995-ci ilin yanvar ayında "XariciAtomEnerjiTiknti" və İranın Atom Enerjisi təşkilatı Tehranda stansiyasının birinci blokunun tikintisinin başa çatdırılması üzrə müqavilə bağlayıblar.
