Gürcüstan, Tbilisi, 23 may/ Trend , müxbir N.Kirtsxaliya/ Mayın 26-da Tbilisidə keçirilməsi planlaşdırılan aksiya qəti olaraq formalaşmaq üçün müxalifətin özünə lazımdır. Gürcüsanlı ekspert Giya Xuxaşvili belə hesab edir.
Gürcüstanın birləşmiş müxalifəti mayın 21-də keçirilən seçkilərdə saxtalaşdırmaların əleyhinə etiraz əlaməti olaraq etiraz aksiyası təyin edib. Müxalifət iddia edir ki, hakim partiyanın (Vahid Milli Hərəkat) qazandığı səslərin 59 faizdən çoxu saxtalaşdırma yolu ilə əldə edilib.
Buna baxmayaraq, müxalifət mayın 26-da, Müstəqillik Günündə Gürcüstan ordusu hissələrinin yerləşəcəyi Rustaveli prospektində yürüş təşkil etmək niyyətindədir. Xuxuaşvili vəziyyətin destabilləşəcəyini gözləmir.
Politoloqun sözlərinə görə, hər iki tərəfin kifayət qədər dinc bəyanatları ona belə fikrə gəlməyə əsas verir. "Bundan əlavə, belə etiraz üsulundan istifadə onların konstitusiya hüququdur", - Xuxuaşvili qeyd edib.
Ekspert etiraz aksiyasında nə qədər insanın toplaşacağı sualına cavab verməkdə çətinlik çəkir. Belə ki, Gürcüstanda ictimai rəy çox sürətlə dəyişir. "Nəzərə almaq lazımdır ki, seçkilər bir müddət əvvəl keçirilib. İstənilən an vəziyyəti qəti surətdə dəyişə biləcək hadisə baş verə bilər", - Xuxuaşvili bildirib.
